GESANG 001

1. HALLELUJA, ONS LOOF U, HEER;         
   AANBID U, VADER, GEE U EER,          
   O BRON VAN AL WAT LEWE!              
   ONS ROEM IN U BARMHARTIGHEID,        
   U WYSHEID, MAG EN MAJESTEIT -        
   VER BO ONS LOF VERHEWE.              
                                        
2. HALLELUJA, ONS LOOF U, HEER;         
   U DAAL IN ONS ELLENDE NEER           
   IN JESUS, ONS VERLOSSER!             
   VIR SONDAARS HET U SEUN GESTERF,     
   DIE LEWE DEUR SY DOOD VERWERF -      
   ONS ROEM HOM AS VERLOSSER.           
                                        
3. HALLELUJA, ONS LOOF U, HEER;         
   U GEES, DAAL UIT DIE HEMEL NEER,     
   MAAK ONDER MENSE WONING.             
   HY WIL ONS TROOS EN LEER EN LEI,     
   REEDS HIER OP AARDE VOORBEREI,       
   TER ERE VAN ONS KONING.              
                                        
4. ONS LOOF U, VADER, SEUN EN GEES,     
   ONS WIL U, HEER, GEHOORSAAM WEES     
   AS DIENAARS VAN U LEWE.              
   HEER, DRIE MAAL HEILIG, HOOR DIE LIED
   DRIE-ENIG GOD, WAT ONS U BIED -      
   SING LOF, SING AL WAT LEWE!